حل المطرب شاندو من خلال مداخلة هاتفية مع الإعلامية إيمان الحصري في برنامج «مساء dmc»، المذاع عبر شاشة «dmc» خلال حلقة أمس، وتحدث عن سبب اختفائه الفترة الماضية قائلاً: «لا هو الاختفاء أو البعد عن الناس وعن الشغل، دي حاجه أكيد مش مقصودة بس تقدري تقولي، أن كان عندي مشكلة تستغربيها أنا قلبي مساكن شعبية، سبيل لله هوي بمعني كنت مغلب دور القلب علي العقل تماماً».

واستكمل شاندو حديثه عن تعامله مع المغنين والملحنين: «كنت أتعامل مع مغني أو حد يعم لشغل غنوة، وعلشان هو بني أدم محترم ده كان بيكون كفاية، وفي النهاية العمل مابيكنش كويس، فبقيت احكم عقلي شوية».

أغنية شاندو الجديدة

وقال المطرب شاندو أنه عمل أغنية بتعبر عن النزاع بين قلبه وعقله عن تجربته في المرحله الماضية اللي مر بيها وكلماتها هي: «لو قاله حد تعالاً محتاجلك، أو حد قاله عايز أقرابلك، بجري عليه زي العيال، وبسيبله كل اللي في ايديه، ما هو أصل قلبي عبيط بجد، يعشق بجد ويحب جد أوقات كتير يفتح دراعه ويموت بجد» وعلق أن ده اللي
أنا عيشته.

وتحدث عن كواليس أشهر أغانيه «عبد الهادي» قال: «دي غنوة اتعملت في وقت الأغاني كانت بتتعمل في مطبخ، كلنا بنقعد نشتغل مع بعض، فعملنا عمل رائع كله حب المسألة لما بتكون فيها حالة الحب، دي النتيجة بتكون جميلة زي (عبد الهادي) نجاحها بيستمر مع الوقت».

وعن ما كان يقوم به الفترة الماضية أوضح: «أنا كنت بشتغل وبعمل أغاني باستمرار ودلوقتي عندي شغل جديد، وحاجات بعملها عندي موضوعات تانية ومشاريع تانية، لكن الفن هو حياتي أساسا حتى لو أنا كنت بعدت، بس أنا راجعله معنديش حاجة تانية أحبها أكثر من الفن».

وصرح أعماله القادمة قائلاً: «بعمل أغنية ديو مع الفنان عصام كاريكا هنغنيها سوا ودي حاجة بتشرفني، وغنوة مع المنتج حمادة إسماعيل وغنوة لرمضان».