أوقفت سيدة مسنة الرئيس عبد الفتاح السيسي، خلال تفقده منطقة كيما بأسوان، قائلة له: "أقسم بالله لا عاوزة فلوس ولا عايزة علاج وقفتك دي هي الشفا الكافي ليا"، باكية: "أنا قولت محدش هيجيب حقي إلا السيسي، ده أنا جاية من مسافات بعيدة".

واحتضنت السيدة الرئيس السيسي قائلة: "ربنا يطول عمرك وينصرك وتسلم إيديك أنا جيت هنا عشان كلهم يعرفوا إن أنا مش كدابة، والله مش عايزة ولا حاجة لا علاج ولا فلوس، أنا بس عايزة أبقى بني آدمة وعيالي يبقوا فخورين بيا".

وحاول السيسي تهدئة السيدة، وأمسك بزجاجة مياه وبدأ أن يشربها بنفسه، لتشرب السيدة وتستكمل حديثها قائلة: "اتبهدلت يا ريس قالولي هيضربوكي بالنار قولتلهم السيسي مش هيضرب الشعب بالنار ده خدني في حضنه ومضربنيش بالنار".

ورد عليها السيسي قائلًا: "ربنا يعافيكي وأنا تحت أمرك هاتي الورق اللي يخصك وأنا هشوفه"، لتقول السيدة: "أنت أول رئيس يحافظ على شرف المرأة المصرية وقولت لو هموت برصاصة بس أجيلك، الناس هنا غلابة بيقولوا الزيت والسكر بس بيحبوك".

وتابعت السيدة: "الله يسترك دنيا وآخرة زي ما جبرت بخاطري الله عليك يا سيسي قلب المؤمن دليليه ولادي عندهم 19 سنة وعايزاهم يتطوعوا".

وكان الرئيس عبد الفتاح السيسي أكد أنه سيتم تفقد منطقة كيما "1و2" بسبب أزمة مصرف كيما "السيل"، ردا على ما أثاره أحد الشباب المشاركين فى مؤتمر الشباب بأسوان من تضرر المواطنين من مصرف كيما وإصابتهم بالأمراض.