تحدث الفنان أحمد أمين في صاحبة السعادة الذي تقدمه الإعلامية إسعاد يونس عن أخيه الأكبر والذي يعتبره  الدافع والحافز له لدخوله مجال التمثيل وذلك عبر فضائية dmc.

أحمد أمين في صاحبة السعادة
وقال أحمد أمين في صاحبة السعادة : «محمد هو شخصية ملهمة بالنسبالي جدًا هو اخويا الأكبر مني بعشر سنين، انا جيت بعد بابا وماما ما نسيوا الخلفة بعد عشر سنين كده ظهرت هو اخويا وبابا في نفس الوقت، هو بيحصل لناس كتير لخبطة كده في الجيل بعد التخرج بين اكل العيش والأحلام والطموحات عند كتير جدًا من الشباب».

أحمد أمين في صاحبة السعادة يتحدث عن شقيقه
وأضاف: «محمد رسام قوي وفنان تشكيلي من يومه بيحب الرسم واضح هو عارف بيحب ايه، اشتغل وعمل شركات دعاية واشتغل في الديكور وهو بيحب الفن التشكيلي بس مش مربح زي ما اقول لحد انا عندي 35 أو 36 سنة وعايز أمثل هتمثل يا ابني هتروح فين مش سهلة مصر كلها عايزة تمثل، هو خد قرار فجأة وسعيد باللي بيعمله ولاقيته بينجح قدام عيني وبقى واحد مهم جدًا في الحركة التشكيلية في مصر أو انا شايفه كده».

واستطرد أحمد أمين في صاحبة السعادة حديثه قائلًا :«قولت لما الواحد بيرجع للأصل بيتبسط، وكنت قلقان عليه وقالي مفيش حاجة اسمها انا اتأخرت وسمعت الكلام ده منه وانا لسة خايف على نفسي والوظيفة وعايز ادخل الفن بس خايف لما لاقيته عمل كدة خد مرسم وقعد وساب كل حاجه، وقولت مبتوجعش ماهي حلوة وممكن الواحد يعمل كده وبعد فترة قولتله انا قرتت اسيب الوظيفة وابقى ممثل قالي انا كنت عارف وكنت منتظر اللحظة دي، وقال حاجة غريبة جدًا قال هتوصل لحاجات انت نفسك فيها بسرعة، عندك حاجة كويسة وهتوصل بسرعة".

اقرأ أيضا: أحمد أمين ضيف «صاحبة السعادة» في هذا الموعد