تصريحات زيزي عادل مع ياسمين عز

ووجهت ياسمين عز سؤالها لـ "زيزي" بقولها: "ستار أكاديمي راجع بموسم جديد هل لديك علم بذلك أم لا، وهل أحببتي هذه التجربة؟" لترد عليها قائلة: "لا معندكيش فكرة، ولو رجع بيا الزمن مكنتش هشارك وده لإن تفكيري بدأ يتغير وقربي من ربنا، وكل اللي بيحصلي ده يخليني أقول إن كان فيه حاجات كتير مكنش المفروض أعملها، ولكن أنا من الناس اللي مبتندمش وبشوف إن كل حاجة حصلت في حياتي ليها ترتيب وحكمة من ربنا وكل حاجة ليها أسباب".

وتابعت حديثها عن تجربتها في ستار أكاديمي بقولها: "تجربتي في ستار أكاديمي هي كانت بداية الانطلاقة، حيث بعد البرنامج أصبحت مشهورة ويكأنني نجمة منذ عشر سنوات، ولقيت عروض كثيرة من شركات إنتاج كبيرة، لما رجعت مصر مصدقتش كم الناس اللي جت تستقبلني في المطار، نظراً لأن أنا قعدت هناك 4 شهور مفيش تليفزيون ومكنتش عارفة أنا معروفة برا ولا لأ، ولا أعرف كان بيتكتب عني أخبار ولا لأ، ف كانت صدمة كبيرة بالنسبالي".

وعن رأيها في فكرة البرنامج قالت: "فكرته ضد تقاليدنا وبدون أي إحترام أو خصوصية حيث كان فيه كاميرات في كل مكان ووصل بهم الأمر إلى وضع كاميرات في الحمامات أيضًا، والموضوع ده كان بيضايق".