كشفت عارضة الأزياء رحيل ذكري، عن تفاصيل جديدة تخص قضيتها مع الفنان محمد الشقنقيري، مؤكدة أن ما صدر اليوم بخصوص القضية هو كذب وتلفيق.

وقالت رحيل ذكري في تصريحات خاصة لـ بوابة المواطن الإخبارية، فيما يخص تفاصيل القضية:«الخبر غير صحيح، دي ادعائات وكذب، والرد هيكون في المحكمة زي ما هو كاتب».

أزمة رحيل ذكري ومحمد الشقنقيري

ومن جانبه أصدر الفنان محمد الشقنقيري بيان من حكم المحكمة، ليؤكد صدق كلامه وانتصاره على الموديل رحيل ذكري، في ادعائها الأخير بأنهم متزوجان سرًا.


وأضاف: «أنا التزمت الصمت تماماً ولجأت إلى القضاء ورفعت قضية من شهر ٦ اللي فات وبعد تحريات النيابة والأدلة اللي قدمتها واللي بتثبت كذب ادعاء المتهمة تم تحويلها للقضاء وتم الحكم عليها وتم إثبات إن كل الكلام اللي قامت المتهمة بنشره هو كذب وتلفيق».

واستطرد: «والسادة الصحفيين اللي بيكلموني عشان يعرفوا اللي أنا قدمته في النيابة أنا بعتذر جداً لأن السوشيال ميديا مش المكان اللي الواحد بياخد حقه فيه والتصريح الوحيد اللي عندي قلته، إن أنا كنت راجل مطلق وأعزب وخرجت كتير ولن أخوض في عرض أي شخص ظهر معي أثناء فترة طلاقي، لكني لم أتزوج أي امرأة ولا رسمي ولا عرفي ولا حتى شفوي في حياتي إلا زوجتي».


وواصل: «وحالياً مطلوب القبض على المتهمة من جهة تنفيذ الأحكام، لأن مافيش حد بيقول إنه متجوز بشوية صور، وطبعاً ده غير انت المتهمة حكت حوالي ٥ قصص مختلفة مرة قالت عرفي ومرة رسمي ومرة قدام مأذون ومرة قدام محامي وكل ده متسجل في تحريات النيابة».

واختتم: «وأخيراً أنا بعتذر للناس اللي اتضايقوا وبشكر كل الناس المحترمة اللي استنوا لحد ظهور الحكم عشان يتكلموا في الموضوع وأخيراً سوف يتم اتخاذ الإجراءات القانونية ضد أي شخص أو منصة او جريدة تنشر أي أخبار متعلقة بهذا الموضوع دون أي دليل قضائي أو دون الرجوع إلي، وأظن أن بعد حكم المحكمة مافيش كلام تاني».