أسعار الكحك والبيتي فور
وقال محمد سعد صاحب فرن خير زاد في منطقة عزبة رستم بـ شبرا الخيمة، موسم الكحك بيبدأ من يوم 15 رمضان، والأسعار تبدأ من 70 جنيه للكيلو بالنسبة للكحك والبسكويت بـ 80 والبيتي فور بـ 90 جنيه للكيلو.

وتابع محمد لـ بوابة المواطن الإخبارية:"والخامات اللي بنستعملها أهم حاجة، عشان المنتجات تبقى كويسة، ودلوقتي الناس بقت بتركز مع الجاهز أكتر، وأكتر أنواع الكحك اللي عليها إقبال الكحك السادة، اللي من غير سكر، وفيه ملبن وفيه عجوة وفيه بعين الجمل، وفيه بالفسدق وفيه حاجات معينة سعرها بيعدي، وفيه حاجات مخصوصة بتكون بالسمنة البلدي الزبون بيتفق معايا وبيجهز بعدها بيومين".

وأضاف:"عجينة الكحك عبارة عن سمنة وريحة الكحك ومحلب وسمسم وخميرة، دي الحاجات الأساسية، وعجينة الكحك بتختلف عن البيتي فور والبسكويت، البسكويت بنضيف اللبن والبيض والفانيليا والنشادر، والبيتي فور بنستعمل زبدة فيرن والبيض والفانيليا، كل عجينة ليها حجات معينة".