ديانا الضبع تكشف حقائق وأسرار عن طلاق لميس الحديدي وعمرو أديب

ديانا الضبع تكشف حقائق وأسرار لأول مرة عن طلاق لميس الحديدي وعمرو أديب .

صديقة الإعلامية لميس الحديدي ديانا الضبع: هتكلم عن صاحبتي، عن واحدة من القلائل اللي أقدر أقول عليهم بصدق «صاحبة عمري». ناس كتير مش فاهمة ليه بحبها بالشكل ده، وكان ممكن تبقى مجرد زميلة شغل قريبة، أو صديقة ضمن دائرة الأصدقاء، أو حتى شخصية أكنّ لها تقديرًا من بعيد. لكن الحقيقة إن حبي ليها أعمق بكتير، لأني شفت جانب من شخصيتها وحياتها قليلين جدًا يعرفوه.

شفت قد إيه هي ست أصيلة، بتقدّم استقرار بيتها وأسرتها على اعتبارات كتير. شفت وجع كبير استحملته عبر سنين طويلة، وشفت إزاي كانت دايمًا تعرف تصمد وتعدّي، والأغرب إنها كانت تعرف تغفر وتكمّل حب. كانت دايمًا تقول إنها بتنسى، ولما مرضت فهمنا إن الكبت والنسيان القسري الجسم بيعبر عنهم بطريقته.

شفت إزاي واجهت المرض بقوة وثبات، وأخفت خبره عشر سنين كاملة، زي ما أخفت تفاصيل كتير من حياتها الشخصية. لما تعيش مع إنسان في أوقاته الصعبة، بتشوف معدنه الحقيقي، وهي معدن أصيل ونادر.

لميس حافظت على بيتها 31 سنة، مش 25 زي ما اتقال، وسط تحديات كبيرة. حافظت على أسرة حقيقية، مش شكلية، أسرة كانت بتجتمع كل يوم على السفرة. كلنا عارفين إن اللي يحب يعزم لميس في رمضان يعزمها سحور، لأنها كانت بترفض أي إفطار علشان تفطر مع جوزها في البيت طول الشهر باتفاق بينهم. كانت بتنظم إجازتها علشان يسافروا سوا، يعوضوا تعب السنة مع ابنهم اللي ربّوه أحسن تربية.

كانت بتتكلم مع جوزها طول اليوم تقريبًا، لدرجة إني أحيانًا أقول لها حاجة وأطلب منها ما تقولهاش دلوقتي، وأكتشف إنها قالتهاله. كان أول شخص تشاركه أي حاجة. وكانت دايمًا تقول عنه:
He is my best friend

المؤلم بالنسبة لي، واللي سبب لي صدمة حقيقية، إنها فضلت لآخر دقيقة بتقول عليه كده، وفضّلت تحاول تنقذ بيتها، ورافضة إن 31 سنة يتهدّوا في شهرين. قدّمت صوت العقل على أي صوت تاني. في الفترة الصعبة دي، ما شفتهاش مرة غلطت، ولا سمعتها تقول كلمة فيها تجاوز. فضلت محترمة لآخر نفس.

رغم الوجع، أجّلت غضبها. والمُدهش إنها في الوقت ده قدّمت من أجمل حلقاتها. أنا اللي ما كنتش صاحبة المشكلة كنت أقوم من السرير بالعافية، وهي صاحبة الوجع كانت كل يوم بتطلع أفضل من اليوم اللي قبله.

أنا بحبك قوي يا لميس، ويا بختي إنك صاحبتي، ويا بختي إنك في حياتي. هافضل أفتخر بيكي وأتعلم منك طول عمري. وعارفة نفسي في إيه؟ نفسي أكون قدّام ميكروفونات العالم كلها وأقولك بأعلى صوتي: إنتِ تستاهلي أحسن من كده.
 

 ديانا الضبع هي صحفية وإعلامية مصرية بارزة تربطها علاقة صداقة وطيدة بالإعلامية لميس الحديدي، وقد تصدر اسمها محركات البحث مؤخراً (في ديسمبر 2025) بعد تقديمها دعماً علنياً لصديقتها عقب أنباء انفصال الأخيرة عن زوجها الإعلامي عمرو أديب. 
 أبرز المعلومات عنها:
المسيرة المهنية
خبرة واسعة: تمتلك ديانا الضبع خبرة مهنية تتجاوز 18 عاماً في مجال الصحافة والإعلام.
إدارة المؤسسات: تخصصت في إدارة القنوات التلفزيونية وتطوير المحتوى البرامجي، بالإضافة إلى خبرتها في إعادة هيكلة المؤسسات الإعلامية واستشارات الاتصال الاستراتيجي.
العمل مع لميس الحديدي: كانت جزءاً أساسياً من فريق إعداد برنامج "هنا العاصمة" الذي كانت تقدمه لميس الحديدي على قناة CBC، وقد كرمتها لميس الحديدي علناً في إحدى الحلقات عام 2017.
المشاركات الدولية: شاركت كمتحدثة في فعاليات إعلامية كبرى، مثل "ملتقى شباب المعرفة". 
مواقفها الأخيرة (ديسمبر 2025)
دعم لميس الحديدي: كتبت ديانا منشوراً مؤثراً دعمت فيه صديقتها لميس الحديدي بعد طلاقها من عمرو أديب، مشيرةً إلى أن لميس "حافظت على بيتها لمدة 31 سنة رغم الوجع، وظلت تحاول لآخر دقيقة".
علاقة عائلية: وصفت ديانا علاقتها بلميس الحديدي بأنها تتعدى الصداقة المهنية لتصل إلى مستوى الأخوة، وهو ما يظهر في الصور واللقاءات التي تجمعهما باستمرار.

للمزيد حول عمرو أديب اضغط هنا 

للمزيد حول لميس الحديدي اضغط هنا 

للمزيد حول بوابة المواطن الإخبارية اضغط هنا