خربت رسمي صواريخ إيران تضرب"عصب الغاز"في العالم وأوروبا بتلطم من جنان ترامب

خربت رسمي.. صواريخ إيران تضرب "عصب الغاز"في العالم وأوروبا بتلطم من جنان ترامب.

"عليا وعلى اعدائى".. ده مش مجرد شعار، ده الواقع اللي فرضته إيران بالساعات الأخيرة وإيران مهددتش وبس، إيران نفذت "زلزال الطاقة" اللي العالم كله كان مرعوب منه، والنتيجة: خراب عالمي في الأسعار وهروب أمريكي من المشهد
ضرب قطر والسعودية في المرمى
الرد الإيراني كان "جراحي" واستهدف العمود الفقري لأمن الطاقة العالمي:
كارثة "رأس لفان": أضخم مدينة صناعية للغاز المسال في العالم بقطر انضربت ب 8 صواريخ باليستية وشركة "قطر إنرجي" أعلنت حالة الطوارئ القصوى بعد حرائق ضخمة وأضرار جسيمة.. يعني إمدادات الغاز للعالم وقفت إكلينيكياً
مصافي "سامرف": في الرياض، سقطت صواريخ باليستية وشظايا في قلب منشآت الغاز، والرسالة وصلت: "لا طاقة لأحد إذا حُرمت إيران من طاقتها".
حيفا تحت النار: صواريخ "خرمشهر-4" دكت مصافي النفط في حيفا المحتلة، بالتزامن مع رشقات حزب اللّٰه اللي قطعت الكهرباء عن مستوطنات الشمال بالكامل.
أوروبا تستغيث.. والغاز يطير ل 20% في دقائق
أوروبا النهاردة بتلطم! سعر الغاز زاد أكتر من 10% في ساعات، والكميات أصلاً شحيحة وقطر، اللي هي المورد الرئيسي مع أمريكا، قطعت الإنتاج للخارج تماماً لتأمين وضعها الداخلي.. يعني شتاء أوروبا القادم بقى "ظلام وسواد".
إترامب "يخلع" ونتنياهو في ورطة
بعد ما شاف "الخراب المستعجل" اللي حل على حلفاؤه، ترامب بدأ يتنصل من المسؤولية ونتنياهو طلع قال الضربة لحقل "بارس الجنوبي" كانت مشتركة، لكن البيت الأبيض طلع بيان "مفاجئ": (أخذنا علماً بالهجوم لكننا لم نشارك فيه.. إسرائيل أبلغتنا وقت التنفيذ فقط).
ترامب بيحاول يغسل إيده من الكارثة بعد ما أوروبا بدأت تقلب عليه وتتهمه بإشعال حريق مش هيعرف يطفيه.
الخلاصة: العالم يقدر يتحمل أي كارثة إلا "الطاقة".. الطاقة يعني المصانع، البيوت، والاقتصاد. إيران فعلت خيار "هدم المعبد"، والكيان لسه بيجر رجل أمريكا لمستنقع مش هيطلعوا منه.
رغم القلق العالمي، لكن مفيش حد يقدر يمنع إعجابه ب "أسود"
مابتسيبش حقها وبترد الصاع صاعين في وقت قياسي.
تفتكروا أوروبا هتضغط على ترامب يوقف الجنان ده، ولا "كرة اللهب"هتاكل الكل .

 للمزيد حول صواريخ إيران اضغط هنا.

للمزيد حول بوابة المواطن الإخبارية اضغط هنا.