ظهر محمد صلاح، لاعب منتخب مصر ونادي ليفربول الإنجليزي، في الجزء الثاني من حديثه في فيديو مباشر عبر صفحته الشخصية على موقع التواصل الاجتماعي"فيس بوك"، للرد على مسئولو اتحاد الكرة، وتوضيح اسباب طلباته الـ7.

وقال صلاح خلال الجزء الثاني : حابب اوضح موضوع الطياره ، الكل عارف ان اي لاعب لما بيروح اي مكان بتبقي الدنيا زحمه مش صلاح بس ، ف انا اللي بطلبه ان يبقي في مرافقين يسهلو عملية الإنتقال والتحركات وعمري م طلبت اني اتعامل بشكل غير اللاعيبه انا بتكلم ان دا الصح لكل لاعبي المنتخب مش صلاح بس " .

وأكمل : "عمالين ف كل الخطابات نقول الكولومبي الكولومبي ، مظنش انه صح ان احنا نفضل نقول ان المحامي بتاعي هو سبب المشكله ، انا اصلا متأكد انه مش هو سبب المشكلة" .

وتابع : " انا لم أطلب وجود جاردات في الغرف خلال المعسكرات ، انا اطلب وجودهم بالفندق للتنظيم ، وزملائي في الغرفه سيكونوا من اللاعبين كما هو المعتاد ، انا مطلبتش ان محدش يتصور او اني بتظاهر علي الناس ، انا بس بطلب إحترام الخصوصيه اوقات الشغل والراحه والسفر والتمرين ، مش الاقي الجماهير والمعارف بالنسبه للمسؤلين عندي ف الأوضه طول اليوم " .

وأردف : " يجب وجود طياره خاصه للمنتخب وليس لصلاح ، وذلك لراحة اللاعبين وليس لراحة صلاح فقط ، في لاعيبه كتير مش بتتكلم وانا مش عاوز ادخل اللاعيبه في المشكله ، انا اسف انا مش كابتن فرقه بس انا كمان بتضر من اللي بيحصل ، انا بطلب الصح ليا وللمنتخب لاني بشوف دا اللي بيحصل في إنجلترا و إيطاليا" .

وأنهي : " مستاء جداً من المؤتمر الصحفي الخاص بالإتحاد ولما اشير به أنني غير وطني ، لكن الكل عارف صلاح بيحب البلد قد ايه وبيطلع كل اللي عنده إزاي وبيموت نفسه ف الملعب بقميص المنتخب ، انا مسئول عن كل كلمة قولتها ومتأكد منها ، أشوفكم علي خير " .

وكانت قد نشبت أزمه بين أفضل لاعب في أفريقيا وأحد أضلاع المثلث الأفضل أوروبياً مع إتحاد كره القدم المصري خلال الساعات الماضيه بعدما أطلق صلاح تغريده سابقه تدين الإتحاد المصري بشده .

في إشاره إلي أن صلاح باتت علاقته متوتره مع الإتحاد منذ مشكلة صورته التي تم وضعها علي طائره المنتخب المتجهه لروسيا من أجل خوض المونديال