ياسمين عز: «مش عارفة ليه عملوا دواء ومسكن للصداع والراجل موجود»
الأحد 05/فبراير/2023 - 11:34 م
ياسمين عز
أروى سيد
طباعة
وجهت ياسمين عز حديثها للسيدات خلال تقديم برنامجها «كلام الناس»، المذاع على قناة «إم بي سي مصر»، قائلة: "بتتخانقي مع زوجك ليه؟ وبتعلي صوتك على زوجك ليه؟ ومتقوليش إنها ساعة شيطان".
وأضافت ياسمين عز: "أنا نفسي لما تتخانقي مع زوجك يقولك في نص الخناقة عيونك حلوين، بدل ما يقولك وطي صوتك.. لن تنعمي دون أن تحترمي زوجك".
ياسمين عز تتحدث عن المشاكل بين الأزواج
وتابعت: "متتخانقيش بصوت عالي هيجيلك صداع وهتتعبي، الراجل لو جاله صداع بيتعافي ذاتيا لأنه مسكن لنفسه، لكن أنت لو جالك صداع مش هتلاقي مسكن، لأن الراجل هو أصل المادة الفعالة للمسكن".
واختتمت ياسمين عز كلامها: "الكلام ده مش من عندي، وفي دراسة علمية بتأكد كلامي، فاعلية الراجل متطابقة مع المسكن.. مش عارفة عملوا دوا للصداع ومسكن للألم ليه والراجل موجود، الراجل هو الدواء والعلاج".
وكانت الإعلامية قد أثارت الجدل من قبل عندما كشفت عن السبب وراء طلب الرجل ليد المرأة في حالة الزواج وليس مثلا الأذن أو الأنف.
وأوضحت السبب وراء طلب يد المرأة للزواج، وقالت: "لأن الإيد دي هي اللي بتطبخ، يعني هنا لازم البنت لما تتجوز تكون بتعرف تطبخ ودي من أساسيات الجواز يعني لازم تتعلمي تطبخي، ولو بتعرفي يبقى تفلسفي في المطبخ وفي الأكل زي ما بتتفلسفي عليا"
