في يوم الشهيد .. السيسي: «مفيش إرهاب بيهد بلد لو كانت على قلب رجل واحد»
الخميس 09/مارس/2023 - 01:23 م
كلمة الرئيس السيسي في احتفالية يوم الشهيد
محمود حربي
طباعة
أكد الرئيس عبد الفتاح السيسي ، اليوم الخميس، أن مصر تقف في وجه الإرهاب على قلب رجل واحد، وقدم أبناءها كل التضحيات بإخلاص في سبيل الحفاظ على مقدرات البلد وصون أراضيه، وذلك خلال فعاليات الندوة التثقيفية الـ37 للقوات المسلحة، احتفالاً بـ يوم الشهيد ، في مركز المنارة للمؤتمرات الدولية.
وقال الرئيس السيسي خلال احتفالية يوم الشهيد : «مفيش إرهاب بيهد بلد لو كانت البلد دي على قلب رجل واحد، وأكيد الإرهاب له نهاية، واللي شوفناه وكنا بنشوفه كل يوم مش قليل»، مضيفاً: «أنا هكلمكم كشاهد عيان على اللي كان بيحصل وازاي موضوع الإرهاب في سيناء حصل، مفيش حاجة بتتعمل وليدة اللحظة، كل شيء بيكون بخطة وتدبير علشان في النهاية ندخل زي اللي دخلنا فيه لمدة 10 سنين».
كلمة الرئيس السيسي خلال احتفالية يوم الشهيد
وتابع السيسي: «أنا كنت نائب مدير المخابرات في 2009، وكنا بنعمل لقاءات لمناقشة الوضع والإرهاب في سيناء، واللي على مدار 10 سنين تشكل له بنية أساسية ضخمة في شمال سيناء، عبارة عن مخازن الأسلحة والذخيرة والمفرقعات، بجانب بنية بشرية كبيرة للسيطرة».
واستكمل: «لو رجعتوا لـ 2008 و2009 على مواقع التواصل والنت هتشوفوا عروض الإرهاب، واللي ظهر ساعتها كلام عن وجود مشكلة كبيرة في شمال سيناء، والكتلة الإرهابية اللي اتشكلت من قبل 2005، كانت محتاجة جهد عسكري كبير من الشرطة والجيش ودا محصلش في زل اتفاقيات دولية حدودية».
