كشفت الإعلامية ياسمين عز في برنامجها "كلام الناس" عن أفضل الأسماء التي يمكن أن يسميها الرجل لأبنائه، خاصة إذا كان اسمه رمزي أو كفاح، مُعلنة عن مفاجأة سوف تعرضها على الجمهور خلال الحلقة.

ياسمين عز تكشف عن أفضل الأسماء

وقالت ياسمين عز في برنامجها "كلام الناس"، المذاع على شاشة قناة "ام بي سي مصر: "لو اسمك رمزي ابن حضرتك هيكون اسمه مبلغ ليه، عشان يكون مبلغ رمزي، فكل ما مراتك تيجي تبعتلك ابنك مبلغ عشان تطلب منك فلوس، تفتكر إن مبلغ رمزي، فمتطلبش منك فلوس كتير".

وأضافت: "أستاذ كفاح من أهل الشام بيقولي اسمي ابني أي يا أستاذة ياسمين، لو أنت اسمك كفاح بنتك هيبقى اسمها قصة، عشان تكون قصة كفاح معروفة، ومراتك تبقى متفاخرة بيك وببنتك قدام العالم، والتاريخ يخلد أساميكو".

وتابعت: "لو ولد بقا ابنك هيبقى اسمه حدوتة، الواد حدوتة راح الواد حدوتة جه، وهيكون اسمك حدوتة كفاح، بس واحنا بنادي عليه في البيت هيبقى حدوتة كفاح، عشان يبقى النسب ليك، ابن أستاذ كفاح وابن أم حدوتة، وتوتا توتة فرغت الحدوتة، ودي كانت نبذة مختصرة عن التعليقات اللي وصلتلي".

ياسمين عز وبردية الجمعة

وأعلنت ياسمين عز لأول مرة عن قيامها بفقرة ثابتة كل يوم جمعة تسمي "بردية الجمعة"، ستعرض من خلالها مشاكل عائلية أو استفسارات من جانب الجمهور، مشيرة إلى أنها سوف تهتم من خلال هذه الفقرة بالفرعون الكبير أو الصغير، نظرًا لانها لم تهتم به منذ أسبوع.