أسئلة غير متوقعة.. فتحي عبد الوهاب على كرسي الاعتراف مع أسما إبراهيم
الإثنين 27/مارس/2023 - 09:18 م
الفنان فتحي عبد الوهاب
ملك ناصر
طباعة
حل الفنان فتحي عبد الوهاب، اليوم الإثنين، ضيفاً في برنامج «حبر سري» مع الإعلامية أسما إبراهيم على قناة «القاهرة والناس»، وكانت الحلقة عبارة عن أسئلة تسمى «تقر وتعترف» توجهها أسما إبراهيم لفتحى عبد الوهاب لتسأله ما يتعلق بحياته الفنية، وكانت الأسئلة كذلك:
أسئلة الإعلامية أسما للفنان فتحي عبد الوهاب
- "تقر واعترف بأن بعد أكثر من فيلم ليك زى عصافير النيل، فتحي عبد الوهاب حسبها صح وقرر ميتصدرش دور البطل مرة تانية؟"
رد فتحي عبد الوهاب قائلًا "لا مش بحسبها كده ده له علاقة بطبيعة العمل والدور" وسألته مره أخرى "بتحسبها ازاى؟" وقال لها "بفكر فى أهمية الدور داخل الموضوع والموضوع نفسه"
- "تقر وتعترف أن لو عمل فيلم حالياً ليك فى سينما اسمك هيبيع؟"
ذكر فتحي عبد الوهاب معلقًا على سؤالها أن "فى الوقت ده مبقتش موجودة فكرة تصدر نجم واحد في الفيلم وده اللى بيحصل فى السنين دى والسنين الجايه"
- "تقر وتعترف بأن مشاهد الصراع بين إبليس وإبراهيم فى وعد إبليس جمهور ضحكت عليها وسخرت منها؟"
ضحك فتحي عبد الوهاب ورد عليها "أنا ليا رأى تانى إن الموضوع له علاقة بثقافة شعبية والوجدان ومش بالضرورة كل الجمهور يتحد فى رأى واحد"
- "تقر وتعترف بأنك كنت متوقع نجاح فيلم الكاهن لوجود نجوم كبيرة فيه لكن الإيرادات كانت قليلة"
ورد فتحي عبد الوهاب قائلًا "على المستوى التجارى الفيلم مخسرش ولا أى فيلم ومش بتوقع أى حاجة من ناحية أى فيلم بخش فيه عشان الفيلم مش بيعتمد على الممثلين ولكن بيعتمد على الإخراج والإنتاج".
- "تقر وتعترف بأنك دخلت قبل كده فيلم مش مناسب لأفكارك عشان عليك أقساط".
قال فتحي عبد الوهاب إن "طول الوقت عليا أقساط وكل الأفلام بتتناسب مع تفكيرى لأن الفن عموماً يدعو للقيم العليا".
