وتابع :-"وهاني شاكر على دماغنا وكل اللي هو عمله إحنا عملناه برضو.. والنقيب مصطفى كامل نقيب الموسيقيين على دماغنا من فوق وهو اللي جابلنا حقنا، المهرجانات اسمها أغاني وليست مهرجانات ونقيب الموسيقيين لا يرغب في تسميتها مهرجانات".

كما أفصح المغني الشعبي حمو بيكا عن رأيه في قرارات نقيب المهن الموسيقية الفنان مصطفى كامل بشأن مغني المهرجانات :-"هو بيوجهنا للطريق الصح، ودا اللي كنا عايزينه من زمان، زمان كنت بغني أي حاجة من غير ما أعرف يعني ايه مصنفات، ولو هنزل أغنية تجيب ١٠ آلاف أنا راضي، أنا مش بقول أني رقم واحد أنا بقول أن أنا المدرسة".

وكشف عن فرحته برجوع حقه بعد وقع ظلم كبير عليه :-"هاني شاكر قعدني في بيتي، ودعيت عليه عشان كنت مظلوم، وربنا جابلي حقي، كل اللي هاني شاكر عمله معايا إنه قعدنا في البيت وهو كل شوية عمال يتكلم إنه جابلي سنتين حبس".

أما عن أداء أصدقائه المغنيين حسن شاكوش و عمر كمال قال :-" عمر كمال كان بياخد ٤٠٠ جنيه ودلوقتي بقى ٥٠ ألف، أنا عمرو دياب الغلابة، عمر كمال وهو بيغني في الاستديو صوته ضعيف، وحسن شاكوش بيصرخ أنا أعرف اغني اي حاجة بس معرفش اغني لعبد الحليم حافظ".