آراء حول عيد الحب 2019 .. من عايزة ورد يا إبراهيم لـ محدش هيعبرنا
الخميس 14/فبراير/2019 - 06:17 م
ندى محمد
طباعة
محدش هيعبرنا " هذا هو شعار الفتيات المصريات في عيد الحب " الفلانتين " هذا العام، وذلك بسبب فقدان الرجال اهتمام المرأة، وبالأخص في مناسبة مثل عيد الحب، ورصدت الأفلام المصرية أحلام السيدات البسيطة في الحب مثل ما حدث في فيلم أحلى الأوقات عندما طلبت هند صبري من الفنان الراحل خالد صالح ورد قائلة " عايزة ورد يا إبراهيم ".
آراء حول عيد الحب 2019
آراء حول عيد الحب 2019
رصدت "بوابة المواطن" تعليقات وآراء بعض العاملين بالمؤسسة عن عيد الحب وجاءت الآراء كالآتي:
علق خالد الغول رئيس قسم المحافظات بـ «بوابة المواطن» عن عيد الحب 2019 قال: يعنى مش هقولك انه حرام والقصص دي كلها... هو المفروض نحتفل بكل يوم يعدى عليا واحنا بخير، وجنبنا الناس اللي بنحبهم بالنسبالي انا بحتفل كل يوم بعيد الحب مش النهاردة بس... عشان معايا أجدع وأحسن واحدة في الدنيا بالنسبة للورود والقصص دي فهي أصلا مريحاني مبتحبهمش.
علق خالد الغول رئيس قسم المحافظات بـ «بوابة المواطن» عن عيد الحب 2019 قال: يعنى مش هقولك انه حرام والقصص دي كلها... هو المفروض نحتفل بكل يوم يعدى عليا واحنا بخير، وجنبنا الناس اللي بنحبهم بالنسبالي انا بحتفل كل يوم بعيد الحب مش النهاردة بس... عشان معايا أجدع وأحسن واحدة في الدنيا بالنسبة للورود والقصص دي فهي أصلا مريحاني مبتحبهمش.
وأشارت ياسمين شهاب محررة بـ «بوابة المواطن» عن عيد الحب 2019: مش بعترف أوى بعيد الحب علشان لو بحب حد أكيد كل يوم مع بعض هيبقى بالنسبه ليا حب ولو هنقضي عيد الحب في مكان هيكون على النيل.
بينما قالت أسماء حامد عن عيد الحب،: «الحب حياة مفيش حياة بدون حب انا عن نفسي معرفش أعيش من غير حب لازم اغذي نفسي بالحب حتى لو مش في علاقة ارتباط.. من خلال اغنية حلوة فيلم رومانسي كتاب أو علاقتي بأهلي وأصدقائي.. الحب حياة وبالنسبة للموضوع الحب بين الرجل والمرأة الحب هو رضا العقل والقلب عشان الحب يكتمل لازم يكون القلب وكمان العقل مقتنع.. ويكون في شعور بالأمان والثقة ومش شرط نخرج في عيد الحب ده مجرد يوم بنحاول نجدد فيه العلاقة ولكن الحب زى الزارع محتاج حد يسقي ولو مشربش كل شوية يموت... و الشخص الى مبيحبش ميت لازم كل شخص يجرب الحب.. الحب هو من يمنحنا الحياة»
وأضافت أماني سلام محررة بـ"بوابة المواطن»: بصراحة بقضي عيد الحب فى الشغل والبيت لان انا مش مرتبطه بشخص معين لان فى ناس كتير فى حياتى بحبها زى ماما واصحابى واخواتى مش شرط تكون مرتبط عشان تحب.
كلها آراء تحترم، ولكن الحب الحقيقي يقوم على العلاقات السليمة، على قبول الاختلافات واستحمال الصعوبات التي تواجهونها لتعزيز علاقتكما أولا.
الحب يكون في التفاصيل الصغيرة.. الحب عزيزي الرجل عزيزتي الفتاة يكون بالهمس لا باللمس، وتأكدي أيتها الفتاة بأن الرجل الذي يكتفى بـ"الهمس" والتعبير عن الحب يجب أن تعشقيه وتأتون إلى بر الأمان.
الحب يكون في التفاصيل الصغيرة.. الحب عزيزي الرجل عزيزتي الفتاة يكون بالهمس لا باللمس، وتأكدي أيتها الفتاة بأن الرجل الذي يكتفى بـ"الهمس" والتعبير عن الحب يجب أن تعشقيه وتأتون إلى بر الأمان.
